Os Revirados - Grupo de Gaitas

Semana do 24 ao 30 de xaneiro

2011-01-27T19:59:00.000+01:00

- Foliada no Lar:

O 28 de xaneiro a partir das 22:30 h empezamos nova temporada de Foliadas no Lar (As Pontes). Será a número 38 dende o seu comezo en Marzo do 2006.

Nesta ocasión teremos de anfitrions o grupo local da Escola Municipal de Baile e Música Tradicional das Pontes coas seccions de: Baile, canto, percusión e gaita, pasarán polo esceario do Lar os mais de 60 membros que forman dita Escola.

VEN TOCAR CON NÓS!!

-Concerto presentación A Subela:

O domingo 30 de xaneiro ás 19:30 h terá lugar un concerto-presentación do cd gravado polo grupo de música tradicional A Subela da Sociedade Liceo de Noia, no salón de actos de dita sociedade en Noia (A Coruña)

-Festival de Cosquín (Arxentina):

Dulce Pontes, Juan Carlos Cambas, Daniel Bellón e Diego Maceiras actuarán de maneira conxunta o próximo 30 de xaneiro no Festival de Cosquín, en Arxentina, un dos mais importantes do mundo. A sua actuación será retransmitida por televisión para toda Arxentina e o resto de América latina, polo que segúndo números da organización, 12.000.000 de persoas seguirán o evento en directo.

Semana do 17 ao 23 de xaneiro

2011-01-21T19:39:00.000+01:00

-Venres 21:

Musgafol:

O venres 21 de xaneiro ás 21:00 h a Asociación Toque pechado de Pontevedra organiza o concerto Musgafol no Pazo da Cultura de Ponttevedra con entrada de balde ata completar aforo.

O MUSGAFOL é un espazo para difusión da música académica composta para a gaita de fol galega moderna, que ata agora só tiña cabida nas aulas dalgúns conservatorios, no que se potencian aos seus creadores e aos novos intérpretes.

Tras un percorrido polas creacións musicais para gaita e piano e para gaita e banda sinfónica, nesta terceira edición do MUSGAFOL, dedicada ao repertorio para gaita e orquestra, daranse cita algúns dos mellores gaiteiros do noso país como Xurxo Fernández, Oscar Ibáñez, José M. López, Diego Mariño, Cristian Silva ou Pablo Devigo, acompañados pola Orquestra Filharmónica Cidade de Pontevedra, baixo a batuta do director Javier Viceiro, gravando ao vivo, coa colaboración da Radio Galega, o primeiro CD monográfico deste repertorio, que marcará un fito na historia do noso instrumento.

Noitarega no Furancho de Matamá folc:

O 21 de xaneiro ás 23:00 h actuará Noitarega no Furancho no Matamá Folc en Vigo.

Os cartos recaudados empregaranse integramente para financiar o día do MatamáFolc no Festival Sons da Lameira.

-Sabado 22:

Presentación do coro Cantares do Brión:

O 22 de xaneiro ás 20:00 h no Centro Cultural de Vincios (Gondomar) celébrase a Presentación do Coro Tradicional Cantares do Brión e o acto de apadriñamento a cargo do coro histórico Cántigas da Terra.

Estades todos convidados!

I Serán en Ribadavia:

O 22 de xaneiro na Igrexa da Madalena de Ribadavia celébrase o primeiro serán organizado pola Ribeirana. Haberá chourizo con pan, viño e chocolate ben quentiño, sorteos e diferentes grupos que nos farán ghastar pista coa súa música.

Ás 20:00 h terá lugar un pequeno obradoiro de iniciación ó baile tradicional, pra que ninguén fique sen bailar esa noite. E ás 21:00 h dará comezo o I Serán organizado pola Ribeirana.

Esperámosvos a tod@s! Non faltedes!

E por suposto, non esquezades os vosos instrumentos!

Novo disco de Pradairo: Pateado:

O 22 de xaneiro ás 21:00 h o grupo folk Pradairo presenta o seu novo traballo discográfico Pateado no Centro Sociocultural A Ramallosa en Teo.

A entrada son 3 €, os rapaces entran de balde.

Concerto de Mamá Cabra:

O sábado 22 de xaneiro ás 18:00 h celébrase un Concerto de Mamá Cabra no Auditorio Municipal de Vilagarcía de Arousa (Pontevedra).

Mamá Cabra é un grupo de música infantil que mestura poesía, pezas do folclore e temas propios, cun enfoque lúdico, participativo e didáctico.

Ola ola lá! é o séu novo traballo discográfico. Unha proposta que xa inunda as librarías da man da Editorial Galaxia. Neste espectáculo poderedes gozar das novas cancións de Mamá Cabra que, nesta ocasión, faise acompañar por un coro de voces do máis divertido.

Este concerto faise o aveiro do programa de dinamización lingüística da Xunta de Galicia "Boca aberta".

Semana do 10 ao 16 de xaneiro

2011-01-15T09:01:00.001+01:00

-Presentación do disco de Freixo nas Pontes:

O 15 de xaneiro ás 19:00 h na Casa Dopeso de As Pontes terá lugas a Presentación do Disco de Freixo coa participación de Bicarelo.

NON O PERDADES!

-Festa presentación Galeoke:

O 15 de xaneiro ás 23:00 h na Sala Super 8 de Ferrol celébrase a Festa presentación GALEOKE (Karaoke galego: Os resentidos, Projecto Mourente, Berrogüetto, Quant,...) + DJ ÁBRETE DE ORELLAS + DJ MATACHIN

Entrada Gratuita

-Serán en Prado da Canda:

O 15 de xaneiro ás 21:30 h a AVV Santiago Prado de Canda organiza o Serán en Prado da Canda en Covelo, onde haberá callos, viño, pan de millo e moita festa.

Esperámoste!

-Çe Orquestra Pantasma por Matamá:

O 15 de xaneiro ás 23:00 h actuará Çe Orquestra Pantasma no Furancho no Matamá Folc en Vigo.

Os cartos recaudados empregaranse integramente para financiar o día do MatamáFolc no Festival Sons da Lameira.

Semana do 3 ao 9 de xaneiro

2011-01-04T15:12:00.000+01:00

-Folk na rúa:

Continúa esta actividade o día 4 de xaneiro ás 18h con Ariel Ninas e Xacobe Varela (Zanfona e gaita).

-Cantos de Reis e visita das SSMM a Ramirás:

As SS.MM. os Reis Magos de Oriente chegaran a Ramirás o vindeiro día 5 de xaneiro convidados pola nosa Asociación e o Concello de Ramirás. A comitiva irá integrada por paxes e servintes dos Reis, así como gaiteiros, músicos e cantadores que lles darán a benvida. O programa que seguirán será o que a continuación se describe:

16:00 h - Visita ao Centro Xeríatrico residencial de O Mosteiro

17:00 h - Animación Infantil no Centro Sociocultural de O Picouto.

17:30 h - Recepción Oficial no Centro Sociocultural de O Picouto. Aquí adicaránlle unhas palabras aos máis cativos e escoitarán as súas peticións para esa noite.

18:30 h - Recuperación dos Cantos de Reis por diferentes pobos de O Concello.

20:30 h - Despedida das SS.MM.

Un ano máis e visto o éxito do pasado ano, tentaremos recuperar os Cantos de Reis, que xa parecian esquecidos neste Concello Ourensán. Así iremos casa por casa entoando pezas típicas desta época do ano, pedindo aguinaldo, que en moitas ocasións é económico e noutras é o convite a un viño e un pedazo de rosca.

-24as Noites de Tasca:

Comeza o ano novo cunha Noite de Tasca Especial adicada aos tradicionais Cantos de Reis ca presenza de varios grupos convidados: oGrupo de Música Tradicional de Ordes, as Pandereteiras das Encrobas de Cerceda, as Pandereteiras Xentiña de Trazo, o grupo Os Reiceiros da Pontecarreira (Frades) e o coro da FWFF: Arumes da Fraga de Cecebre (Cambre)... e todos aqueles que se queiran apuntar.

A cita é o 7 de xaneiro no Bar BEMARO (ao lado do concello de Tordoia) a partir das 21:30 h.

Continúa o Concurso de Aturuxos ca 4ª eliminatoria, con agasallos para os clasificados, anotádevos!

O Grupo de Gaitas OS VIQUEIRAS vos desexan unhas Boas Festas e un Feliz Ano 2011!

Semana do 13 ao 19 de decembro

2010-12-15T20:01:00.000+01:00

-V Festival de baile e música tradicional Rebulir:

A Escola de Baile e Música Tradicional Rebulir do Concello de Ramirás organiza o V Festival de Baile e Música Tradicional Rebulir que se celebrará o vindeiro sábado 18 de decembro ás 19:00 h no Polideportivo de O Picouto contando coa presenza de grupos chegados desde Galicia, León, Euskadi, Portugal e Venezuela.

Os grupos participantes son:

REBULIR (Ramirás)

AIRIÑOS DA LAGOA (Baiona)

GRUPO MARAGARO DE VAL DE SAN LORENZO (León)

GAZTEDI DANTZARI TALDEAI (Euskadi)

GRUPO FOLCLÓRICO DE PINHEIROS (Portugal)

GRUPO ALMA LLANERA (Venezuela)

-Luns 20:

Cantos de Reis no ForumFolk:

O 20 de decembro ás 20:00 h no Forum Metropolitano da Coruña celébranse os Cantos de Reis dentro do ciclo ForumFolk.

Concerto participativo coa colaboración das asociacións de música tradicional da cidade. Unha cita xa clásica co obxectivo de recuperar a fermosa tradición dos cantos de nadal.

Ademáis organizaranse obradoiros para aprender cantos de reis nas bibliotecas municipais da Coruña.

Semana do 29 de novembro ao 5 de decembro

2010-12-03T17:01:00.000+01:00

-Venres 3, foliada:

XXIII Noites de Tasca en Cabrui-Mesía:

O venres 3 de decembro, a partir das 21:30 h, celebramos a Noite de Tasca cun MAGOSTO POPULAR no Local Social de Cabrui (Mesía) onde non faltarán os pinchos, castañas asadas, viño e por suposto unha boa queimada.

O grupo protagonista desta noite será o Coro da FWFF: "ARUMES DA FRAGA", de Cecebre (Cambre, A Coruña).

Despois FOLIADA e a 3ª eliminatoria do Concurso de ATURUXOS.

Colaboran cos Viqueiras de Ordes, o concello de Mesía e a Asociación de Veciños Cabrui-Cruceiro.

-Sábado 4:

Os Melidaos en Sada:

O sábado 4 de decembro ás 20:00 h o grupo Os Melidaos presenta o seu primeiro traballo discográfico Que ben baila, que ben baila cun concerto no Auditorio da Casa da Cultura Pintor Llorens de Sada.

NON FALTES!

Festival Os Alegres 2010

O 4 de decembro ás 20:00 h no Teatro Principal de Pontevedra celébrase o IV Festival de Música Tradicional organizado por Os Alegres de Pontevedra no que participarán:

Fermín, gaiteiro da Insua
Felicia Insuela Castro
Lume na Lareira, A Estrada
A Ghaita do avó, Marín
Xógara, Mos
Tanto nos Ten, Redondela
Maianas, de Ames

Entrada de balde.

I Foliada do Inverno:

O sábado 4 de decembro a partíres das 22:30 h en Feás no Cruceiro celébrase a I Foliada do Inverno, nesta ocasión , acompañanos o grupo de gaitas Alén do Mar e as cantareiras de Bailadela.

Comezaremos ate que nos teñamos de pé.
Esperamosvos !!!

Semana do 22 ao 28 de novembro

2010-11-25T20:31:00.000+01:00

-Venres 26, foliada:

Foliada nas Pontes:

O 26 de novembro ás 22:30 h celébrase a Foliada no Lar das Pontes, onde o Grupo de Música Tradicional Pontés Os Suplentes seran os anfitrións, ademais da súa actuación, tamén contan coa colaboración dunha parella de zanfonas de nome Bicarelo que nos traeran de seguro un interesante repertorio. Hai una pequena sorpresa con música moi apropiada para bailar e interpretada con saxo e acordeón po lo dúo Xeración 27-80.

NON FALTEDES!

-Sábado 27:

XIX edición premio "IAR" de folclore galego:

O vindeiro 27 de novembro ás 19:30 h terá lugar no Teatro Rosalía Castro o Festival Folclórico no que será entregado o PREMIO “IAR” DE FOLCLORE GALEGO correspondente a súa XIX edición.

Nesta ocasión participarán::

Grupo de Danzas Burgalesas Justo del Rio (Burgos)

Banda de Gaitas Tradicionais Airiños de Fene (A Coruña)

Grupo de Bailes Populares Iar (A Coruña)

O custo das entradas é de 5 €.

X alcuentru/encontro de pandeireta galega e asturiana:

O sábado 27 de novembro, Corcubión será o centro da música galega e asturiana tradicional. Da man do Colectivo TransEu e da nosa Asociación, a vila de San Marcos acollerá o X Encontro de pandeireta Galega e Asturiana.

O Alcuentro constará de 3 fases. O recibimento será arredor das 20:30 h, e de seguido comezará a cea de confraternización, a base de produtos da terra (empanada, mexilóns ó vapor, carne o caldeiro, tarta, viños, auga , refrescos e chupito).

Na segunda parte toca Concerto. E para iso chegarán o único grupo de pandereteiros homes de toda Asturias, chamados Cantaruxare. Tamén estarán as mozas de Bouba, que veñen do lugar da Pontragha, na parroquia de Numide, Tordoioa.

A seguinte parte é a Foliada. Será un auténtico todos contra todos na que de seguro participarán as nosas pandereteiras Millo Verde. A noite dará para moito....

Ademais, este ano haberá sorpresa. A festa contará coa participación dunhas pandereteiras moi especiais.

Poden reservar praza para este evento enviando un correo a xuntanzatranseu@gmail.com. O custe será de 20 € e 18 € para os socios.

-Renato Spencer e Café Caxaça:

Renato Spencer e Café Caxaça presentan, por primeira vez e en directo, o seu novo traballo discográfico que leva por título Peneirando. Será durante a próxima fin de semana coa presenza do músico de orixe brasileiro e a súa banda na cidade de Pontevedra, onde ofrecerá un concerto enmarcado nas actividades da Feira das Industrias Culturais “Culturgal” o 26 de novembro ás 18:30 h. Xa o sábado 27 de novembro, Renato viaxa ata Vigo para presentar o seu traballo no Auditorio Municipal ás 20:30 h.

“Peneirando” é o resultado de cinco anos de convivencia entre Renato e músicos de diversas orixes tanto xeográficas como musicais que residen en Galicia. Rumba e forró, tamboril e zabumba, muiñeira e afoxé, gaita e cavaquiño mestúranse de forma natural no disco con ritmos e sons, tanto de composición propia, como versións de músicas populares brasileiras e galegas.

Semana do 15 ao 21 de novembro

2010-11-19T17:55:00.000+01:00

-Domingo 21, homenaxe:

Homenaxe ao Gaiteiro 2010:

Un ano máis dende fai 21 celebrase unha nova edicion da Homenaxe ao Gaiteiro. Este ano ademáis do Grupo Etnográfico A Buxaina, que celebra o seu 25 aniversario de existenza, contaremos coa presenza do Coro Tradicional Cantares do Brión do centro cultural de Vincios eOs Terribles de Donas. Carlos do Viso estará tamén con nos como presentador dando continuidade e dinamismo os actos que compoñen o espectáculo.

A Homenaxe o Gaiteiro terá lugar o 21 de novembro as 18:00 h no teatro Caixanova, a entrada é de balde e farase por medio de invitacións a recoller no Centro Recreativo Artistico e Cultural de Coruxo (CRAC) do 8 ao 13 de novembro para os socios e do 14 ao 20 para os non socios en horario de 19:30 a 21:30 horas, sábados e domingo e 12 a 14 horas.

Quedades todos convidados!!

Semana do 8 ao 14 de novembro

2010-11-11T16:11:00.000+01:00

-Sábado 13:

Magosto popular en Ordes:

O sábado 13 de novembro a partir das 17:00 h celébrase un Magosto Popular na alameda de Ordes amenizado polo grupo de gaitas Os Viqueiras de Ordes.

Degustación gratuita de castañas ate agotar existencias.

NON FALTES!

Festival Solidario pro nenos do Sahara:

O 13 de novembro ás 20:00 h celébrase un Festival Solidario pro nenos do Sahara no Auditorio de Vilagarcía coa participación dos seguintes grupos:

Nós de Sobradelo
Pandereteiras Urdime
Pandereteiros Traspés
Mar de Arousa
Asociación Muiños do vento (Pandereteiras de Catoira)

Donativo 3 €.

1ª Foliada (malo será) no Galeón Vikingo de Catoira:

O día 13 de novembro dende as 21:00 h ata que o corpo aguante, estades convidados todos aqueles grupos de gaitas, asociacións e persoas que queiran pasar un bo rato con nós nesta I Foliada (malo será) no Galeón Vikingo de Catoira.

Todos os que queiran vir este día terán que confirmar asistencia, por cousa do PINCHO, totalmente gratuito para os músicos. En caso de choiva, quedará aplazado.

TRAE O TEU INSTRUMENTO...NON FALTES.

-Domingo 14:

XII Xornadas Micolóxicas de Orazo:

O domingo 14 de novembro día festivo de remate das VIII Xornadas Micolóxicas de Orazo:
A partir das 11:00 h.e durante todo o día :
Exposición de cogomelos .
Obradoiro de xogos tradicionais .
Sesión vermout con grupos da zona .

Ás 13:30 h: Xantar Micolóxico co seguinte menú :

Empanada de cogomelos .
Xabaril con guarnición de cogomelos .
Sobremesa .o Café con gotas ……..

O prezo do menú e de 20,00 €, para reservar entrada chama o 616534077 – Luís .

A partir das 17:00 h. para rematar :
II FOLIADA “……TÁPALLE O MICELIO !! “
coa actuación dos seguintes grupos :
Xuntanza dos Regatos .
Retrouso .
Grupo de música tradicional de Ordes
Pandereiteiras de Bouba e Maghúa .
Requinta da Laxeira .

Non o podes perder !!

Proximamente...:

Cursos intensivos Bellón Maceiras:

A Escola BellónMaceiras ven de anunciar os seus Cursiños Intensivos ata fináis de ano.

Os días 26 e 27 de novembro haberá un Cursiño de Baile Galego destinado a tódalas idades e tódolos niveis. O mestre será o afamado bailarín e escritor Calixto Albán e o prezo do curso será de 30€ ( 20€ para alumnos da escola).

O día 18 de decembro haberá un Curso de empalletado e afinación impartido polo artesán palleteiro Amado "Cubero". O curso terá unha duración de 8h e o prezo é de 50€ ( 35€ alumnos da escola). Este é un fin de semana perfecto para achegarse a Fene xa que o día anterior actúa BellónMaceiras na praza do Concello de Fene.

Apuntádevos cedo que hai poucas prazas.

Curso de tarrañolas en Xacarandaina:

A.X. Xacarandaina organiza un Cursiño de Tarrañolas de catro días impartido por Manuel Rey (Reyva), os días 18 e 25 de novembro e 2 e 9 de decembro de 20:30 a 21:30 ou de 21:30 a 22:30 h no local da asociación na rúa Historiador Vedía, 3 da Coruña.

Tes ata o día 13 de novembro para apuntarte na asociación!

Semana do 1 ao 7 de novembro

2010-11-04T20:14:00.000+01:00

-Venres 5, foliada:

XXII Noites de Tasca en Oroso:

O venres 5 de novembro, a partir das 22:00 h, tedes unha nova cita cas Noites de Tasca no Bar Vda. de Nouche (Av. de Compostela, 15) en Sigüeiro-Oroso.

Contamos ca actuación especial do grupo Os Gaiteiros do Pedroso, da Coruña, e do grupo folklórico Néboas de Sigüeiro.

Apúntate para a 2ª eliminatoria no Concurso de Aturuxos, haberá agasallos para os clasificados.

E despois coma sempre, Foliada aberta a todos os que se animen a participar.

VIDE TOCAR CON NÓS!

Repichoca no Mesón de Tony:

O 5 de novembro a partir das 21:00 h celébrase unha Repichoca no Mesón de Tony na Mourela Alta Nº 6 en Neda.

ESPERÁMOSTE!

-Sábado 6, magosto e máis foliada:

Foliada de Sada:

Organizado pola Asociación de música e danza tradicional Queiroa e o Concello de Sada, o vindeiro sábado 6 de novembro ás 20:00 h, na Praza Irmáns Suárez Picallo de Sada (A Coruña), terá lugar a III Foliada da Asociación de música e danza tradicional Queiroa. Coincidindo con ela, o Magosto municipal.

No transcurso da foliada, celebrarase o II Concurso de baile tradicional por parellas, e haberá premios para os mellores bailaríns (para descargar as bases e a ficha de inscrición pincha aquí). Previamente, entre as 18:00 e as 20:00 h, e como novidade, haberá unha Foliada infantil, na que poderán participar os máis pequenos dos diferentes grupos tradicionais. Podedes participar tocando e/ou cantando no escenario, ou ben bailando ao pé del. Sempre música tradicional. Se non queredes actuar, podedes asistir e simplemente desfrutar das actuacións.

Se desexades actuar, ou participar no concurso, confirmádeo canto antes (tel.: 617940833/636692800, correo: tercermolino@telefonica.net). Cando saibamos o número de participantes, informarémosvos do tempo do que dispoñedes no escenario e da orde de actuación. Tralas actuacións previstas, a intervención será libre.

Haberá bochinche (castañas, bolos preñados, viño, etc.) e a media noite, queimada.

ESPERÁMOSVOS!

-Foliada en Santa María do Campo (Marín):

Feira do Campo organizada pola A.A.V.V. do Campo.

O sábado 6 de novembro a partir das 17:00 h celebrarase unha Foliada no Adro do Campo en Marín, onde se poderá ver como se destila o augardente.

O domingo 7 de novembro a partir das 10:00 h exhibición cabalar, ás 17:00 h magosto gratuito amenizado por un grupo folclórico e traballos artesanais de cestería.

-Curso da E-Trad: Trompa da Fonsagrada:

Os días 5 e 12 de novembro de 17:00 a 20:00 h (6 h en total) nas aulas da e-Trad, Rodrigo Romaní impartirá un curso Teórico-práctico daTrompa da Fonsagrada

Último día de matriculación o 29 de outubro de 2010.

Enfocado a todos os que queran profundizar no funcionamento deste instrumento (levar instrumento). Recursos, trucos, exercicios e audicións.

Semana do 25 ao 31 de outubro

2010-10-28T20:15:00.001+02:00

-Sabado 30, Samahín:

Foliada do Samahín no Cruceiro de Feás:

O sábado 30 de outubro ás 20:30 h celérase a Foliada de Samahín no cruceiro de Feás (Aranga).

Para cear xamón asado, viño e castañas 10 €, unha pequena representación Trasno e o Vello e despois Foliada.

Traede os vosos instrumentos!!!

-Domingo 31, defuntos:

Foliada de defuntos:

A idiosincrasia galega sinala a convivencia cos seres do alén como un feito casual pero sempre natural no desenvolvemento da vida d@s galeg@s. É por isto que os GAITEIROS DE CECEBRE desexamos celebrar unha nova xornada tradicional XUNTO CON TODOS VÓS, organizando unha nova FOLIADA para gozarmos xuntos da nosa música e baile tradicionais aproveitando a proximidade da...data DE DIFUNTOS...

Participade coa vosa ledicia e arte de sempre, cos vosos instrumentos e puntos de baile... AMÁIS PODEDES CONXURAR A NOITE PRESENTÁNDOVOS CUN ASPECTO QUE META O MEDO NO CORPO... ;)

¡QUEDADES TOD@S CONVIDAD@S PARA COMPARTIRMOS XUNTOS ESTA "TERRORIFICA" NOITE DE FOLIADA, FESTA E AMIZADE!.

* DATA: Domingo, 31 de outubro ás 23:00 h.

* LUGAR: Cervexería COLISEUM -baixos da Casa da Xuventude de Cecebre- . R/ Lugar de Frais,33 . San Salvador de Cecebre (Cambre-A Coruña).

Semana do 18 ao 24 de outubro

2010-10-20T22:21:00.000+02:00

-Sabado 23, (...) con grelos:

Grelo Folc:

A Asociación Cultural O Abordelo de Monfero convoca unha vez máis aos/ás adeptos/as do Grelo Folc a unha nova edición, que se celebrará o día 23 de outubro no Mosteiro da Cela de Monfero, baixo a súa xa tradicional carpa.

Nesta ocasión poderemos presenciar un evento no que se mesturan os máis variados estilos: dende o tradicional de Alalé ao psicofolk de Ulträqäns, do punk-rock de Zënzar á mestizaxe de Sacha na Horta ou ao toque dixie jazzístico da Magnifique Bande dos Homes sen Medo...

Alalé: Grupo irlandés de folc fusión que percorreu Europa coa súa música, participando tamén no Festival de Pardiñas e o Irmandiño de Moeche.
Ulträqäns: Psicodelia enxebre composta por catro patas e un rabo que prometen 75 minutos carentes de piedade no que rebordan retranca, irreverencia punk e calidade musical ao unísono.
Zënzar: Decano do rock galego en activo, con arroutadas punks, heavys e tradicionais. Nos seus máis de vinte anos de historia cántanlle a Meirama, a súa aldea, dende unha condición de galegos sen complexos.
Sacha na Horta: Música mestiza para bailar nos torreiros das leiras, ao tempo que reivindica o xeito no que as mulleres empuñan a gadaña contra o mundo.
Magnifique Bande dos Homes sen Medo: Non-charanga de ventos e percusións que no troques de pasodobres e cumbias amósanos o rostro canalla do jazz, fox-trot e outros estilos que demostran que o antigo tamén é ben divertido.

A celebración comeza cun xantar popular, ao que se haberá que anotar antes do día 16 no teléfono 679251163 ou no correio-eoabordelo@gmail.com, continuando pola tarde con xogos e repichocas ata o comezo do concerto ás 23 horas.
http://oabordelo.blogspot.com

Semana do 11 ao 17 de outubro

2010-10-14T18:01:00.012+02:00

O día 17 continúa o VI ciclo de Coros Históricos e celebrarase o IV concurso de música tradicional de Luou-Teo.

-Xa adiantamos as novas do luns 18:

Tonecho Castelos e Pablo Esqueira no ForumFolk:
O ciclo Forumfolk presenta o luns 18 de outubro ás 21:00 h ó dúo formado por Tonecho Castelos e Pablo Esqueira que presentarán no entorno dun café - teatro no Forum o seu primeiro traballo, un fermoso diálogo entre un violín e un acordeón. Este dúo creouse no ano 2008 como alternativa a formacións grandes. Partindo desta formación, curiosamente non moi habitual na música galega, presenta unha proposta folk elegante con moita complicidade inspirada en temas tradicionais e de autor, engadindo outros instrumentos e a voz ó longo do seu concerto. Para esta estrea contarán coas colaboracións de Pablo Vergara (bodhran) e as Cantarieras de Queiroa (Sada).

Semana do 4 ao 10 de outubro

2010-10-07T16:00:00.000+02:00

-Xoves 7, Rosario:

No marco das Festas do Rosario 2010, estas son as actividades culturais previstas para o xoves 7 de outubro:

13:00 h. Praza de Azcárraga. Concerto do Trío Colombita de Bogotá, dentro do XXI Festival Internacional de Pulso e Púa, organizado pola Agrupación Musical Albéniz.
13:00 h. Praza das Bárbaras. Actuación de Aturuxo.
19:00 h. Praza das Bárbaras. Encontro de Corais: Cantares Gallegos, Follas Novas e Sporting Club Casino.
19:30 h. Praza de Azcárraga. Concerto de Skarallaos.
20:30 h. Praza das Bárbaras. As Dríadas: Innova.
21:00 h. Igrexa de Santo Domingo. Orquestra Sinfónica de Galicia: Misa de coroación en do maior, K 317, de W. A. Mozart.
21:30 h. Praza de Azcárraga. Verbena co Grupo Isla.

Todas as actividades son de balde.

-Festas do San Froilán en Lugo:

Martes 5

11:15 h Actuación do grupo de música tradicional Andaina na praza Maior
13:00 h Actuación do grupo de música tradicional María Castaña na praza Maior
18:00 h Actuación do grupo de música tradicional Devandoira na praza Maior
19:00 h Actuación do grupo de música tradicional Arrincadeira na praza Maior
20:00 h Actuación do grupo de música tradicional Cantigas e Frores na praza Maior e Campo Castelo
21:00 h Actuación do grupo de cantareiras Cantar das Eiras na praza Maior
Mércores 6

20:00 h Desfile do grupo OS CREBINSKY dende Campo Castelo ata a Facultade de Veterinaria
21:30 h Proxección da película OS CREBINSKY no Auditorio da Facultade de Veterinaria*
Sábado 9

18:00 h VIII FESTIVAL DE FOLCLORE TRADICIONAL na praza de Santa María
Domingo 10

11:30 h Pasarrúas de grupos de música tradicional polo recinto histórico
17:00 h Pasarrúas de grupos de música tradicional polo recinto histórico
18:30 h Actuación do grupo de música tradicional Volta do Agro na praza Maior
Luns 11

20:00 h Concerto de BRATH na praza de Santa María
Martes 12

21:15 h Espectáculo de NOVA GALEGA DE DANZA - Tradicción na praza Horta do Seminario

-I xornada de baile e música e baile tradicional de Eirís:

Comenzan as Xornadas de música e baile de Eirís. Comenzan cun curso de percusión tradicional que será impartido por Marcos Pérez Saburido (Ourense) o vindeiro 24 de outubro de 2010.

Este curso será en dúas partes, de 10:00 a 14:00 h e de 16:00 a 20:00 h. Haberá límite de prazas.

Marcos Pérez Saburido (Ourense), autodidacta a maior parte da súa vida, é membro da agrupación Castro Floxo, do cuarteto Redea Solta (xunto con Óscar Ibañez, Pablo Devigo...), do grupo ourensán Coanhadeira e tamén acompaña a gaiteiros como Pablo Devigo en concursos de gaita solista. Premios como o Ricardo Portela 2006, o Memorial Manuel Villanueva 2007 ou Gaiteiro de Soutelo 2007 avalan a súa traxectoria, así como o Concurso de Cuartetos de Ponteareas 2010, o pasado 19 de Setembro. Imparte clases en distintos concellos.

Para inscribirte:
1- Envía un correo a pradobotana@gmail.com (preferentemente) ou chama ao teléfono 663 323 146 para que gardemos a túa praza antes do18 de outubro.
2- A non asistencia inxustificada implicará a imposibilidade de asistir aos vindeiros cursos.

-III Foliada de Sada:

Haberá bochinche (castañas, bolos preñados, viño, etc.) e a media noite, queimada.

ESPERÁMOSVOS!

-IV Concurso de música tradicional de Luou-Teo:

Xa está aberto o prazo de inscrición para o IV Concurso de Música Tradicional de Luou que se celebrará o día 17 de Outubro no Local Social de Luou, Teo.

Bases para o concurso de cuartetos tradicionais:

1.-Poderán participar cuartetos tradicionais, compostos únicamente por:
Dúas gaitas, tamboril e bombo (quedarán excluídas gaitas marciais e percusións con parche de plástico)
Todos os grupos participantes deberán ir vestidos co traxe tradicional, que non deberán quitarse ata o final do concurso.
Queda prohíbido que os participantes concursen con máis dun grupo.

2.-Establécese unha única categoría sen límite de idade.

3.-As pezas a interpretar poderán ser Tradicionais ou de Autor, e deberán seguir os canons de estilo, estética e ritmo da música para cuartetos tradicionais galegos.

4.-O Xurado valorará os seguintes puntos :
Afinación, percusión, dificultade das pezas, interpretación e estética.
O Xurado será seleccionado pola Organización e o seu fallo será inapelable.

5.-O Concurso celebrarase o día 17 de Outubro de 2010 no Local Social de Luou, Teo.
Admitirase un número máximo de 20 grupos, que serán seleccionados por rigorosa orde de inscrición.
O Concurso terá unha fase previa, na que os participantes interpretarán unha peza de libre elección (3), cun tempo máximo de 5 minutos de duración.
A fase previa terá lugar ás 12 do mediodía, e unha vez rematada, o Xurado seleccionará 8 grupos que pasarán á fase final.
A fase previa non se celebrará senón se supera o número de 12 grupos inscritos.
A fase final comezará ás 18 horas. Os grupos finalistas interpretarán dúas pezas cun tempo máximo de 8 minutos e un mínimo de 5, incluído o tempo entre elas.
A orde de actuación nas dúas fases determinarase mediante sorteo previo realizado pola organización.

6.-A data tope de inscrición será o día 12 de Outubro de 2010.
A folla de inscrición debidamente cuberta, deberá ser enviada á seguinte dirección postal :
A. C. A Mámoa
“Concurso de Música Tradicional”
A Igrexa s/n – Luou
15883 – Teo
Tamén poderán ser enviadas por e-mail a:acamamoa@gmail.com
As bases e fichas de inscrición poderán ser descargadas dende:http://amamoa.atwebpages.com http://www.myspace.com/acamamoa
7.-A Organización comunicaralle por teléfono a súa inclusión no concurso aos 20 grupos seleccionados

8.-A Organización establece 3 premios:
1º Premio – 1.000 € + Agasallo conmemorativo
2º Premio - 600 € + Agasallo conmemorativo
3º Premio - 400 € + Agasallo conmemorativo

9.-Aqueles casos non contemplados nestas bases serán decididos polo Xurado, e a súa decisión será inapelable.

10.-O grupo gañador do concurso repetirá unha das pezas da final, dándose así por rematado o concurso.

11.-A inscrición no concurso implica a total aceptación destas bases.

Observacións

Os grupos participantes deberán presentarse no Local Social de Luou 1 hora antes do comezo de cada unha das fases.
A Organización resérvase os dereitos de gravación de todos os temas interpretados no concurso.

Contacto:acamamoa@gmail.com
http://amamoa.atwebpages.com http://www.myspace.com/acamamoa
Telf.: 609 666 805 (Miguel)
657 247 504 (Xandre)

Nota:

Tamén este domingo continúa o Ciclo de Coros Histórico (ver nesta ligazón)

Semana do 27 de setembro ao 3 de outubro do 2010

2010-09-29T16:21:00.011+02:00

-Venres 1, Foliada!:

Noites de Tasca:

Despois da paradiña do verán volve a 3ª tempada das Noites de Tasca que este ano percorrerán os municipios da comarca de Ordes sempre o primeiro venres de cada mes.

E, seguindo na liña de revalorizar aos músicos tradicionais e en especial aos mais vellos, comezan o día 1 de outubro coa actuación deFaustino Seoane, Gaiteiro de Sta. María de Arzúa, que sorprenderá a todos con su arte de tocar a gaita en plena forma aos seus 84 anos.
Logo coma sempre, haberá Foliada para que participe toda a xente e, como novedade, ide afinando as gorxas porque empeza un Concurso de Aturuxos no que cada mes irá quedando un ou varios finalistas e mais adiante haberá unha final onde se elixirá ao "Millor botador de aturuxos das Noites de Tasca".

Agardámosvos o venres 1 de outubro na parroquia de Vilamaior (Ordes), no bar Carballeiro, a partir das 22:00 h.

Organiza: Asociación grupo de gaitas Os Viqueiras de Ordes
Colaboran: Concello de Ordes e Asociación Seixo Branco de Vilamaior.

VIDE TOCAR E ATURUXAR CON NÓS!

-VI Ciclo de Coros Historicos:

Os domingos 3, 10 e 17 de outubro ás 19:00 h celebrarase o VI Ciclo de Coros Históricos no teatro Rosalía de Castro da Coruña coa seguinte programación:

3 de outubro
Homenaxe a Emilio Corral
Coral de Ruada
Fas que Fas teatro da Fundación Wenceslao Fdez. Flórez "As Mulleres Perdidas no Bosque"
Cántigas da Terra

10 de outubro
Cantigas e Agarimos
BellónMaceiras Quinteto
Cántigas da Terra

17 de outubro
Real Coro Toxos e Froles
Ultreia Obradoiro de Cultura Tradicional
Cántigas da Terra

NON FALTES!!

-Escolas Retrouso 2010/2011:

Comenza en outubro o curso nas Escolas Musicais Retrouso 2010/2011 no Complexo Cultural de Cela (Bueu) na que as principais novidades son a incorporación de Miguel Sotelo como profesor de baile e de Andrea Gómez Navarrete como profesora de acordeón.
ANÍMATE A APRENDER E DIVERTIRTE CONNOSCO!

Semana do 20 ao 26 de setembro do 2010

2010-09-21T21:22:00.006+02:00

-Venres 24, Foliada:

Foliada no Lar:

O 24 de setembro a partir das 22:30 h empezamos nova temporada de Foliadas no Lar (As Pontes). Será a número 35 dende o seu comezo en Marzo do 2006. Esto non sería posible sen a colavoración de toda a xente que participa, tanto músicos, como o resto de asistentes, e tampouco chegaría ata aquí sen os seus patrocinadores: O Grupo de Empresa Endesa e a Cafetería Lar. Dende a organización graciñas a todos e a todas.
Nesta ocasión teremos de anfitrions de este mes o grupo local No Cómbaro coa súa "Música de Taberna" e de prato forte unha recente formación co nome de Espadana Gaiteiros pero con compoñentes históricos e de sobra coñecidos por todos.
VEN TOCAR CON NÓS!!

-Sábado 25:

Cántigas da Terra no Lar:

A partir das 20:00 h a asociación Muxarega organiza no Lar das Pontes un concerto do coro galego Cántigas da Terra.
ESPERÁMOSVOS!

Foliada - Sardiñada no Cruceiro de Feás:

A partir das 20:00 h celébrase a Foliada -
Sardiñada no Cruceiro de Feás

Ligazón para chegar ó sitio

ESPERÁMOSVOS!

-Abre o prazo de inscrición da Escola Livre da MPG:

Xa está aberto o prazo de inscrición da Escola Livre da MPG, a sección docente d'aCentral Folque en Santiago de Compostela con ensino regular en diferentes instrumentos populares e con mestres en activo nos circuítos profesionais do folk e a música tradicional comaEdelmiro Fernández "Chuco" Estévez, Paulina Ceremuzynska, Guadi Galego, Ugia Pedreira, Óscar Fernández, Pedro Pascual, Roberto Sala e Gutier Álvarez.

As aulas estarán repartidas entre tres Centros Socioculturais de Santiago (Castiñeiriño, Fontiñas e Pontepedriña) e os días de docencia serán os sábados e os luns (dependendo da especialidade). O número de prazas é limitado.

Tedes toda a información dos cursos na sección de ensino da páxina web www.folque.com

-Apertura do curso da escola Rebulir:

O vindeiro Sábado día 25 de Setembro ás 19:00 h no Centro Sociocultural de San Andrés (Vilavidal – Ramirás), terá lugar o acto de apertura do curso lectivo 2010/2011 da Escola de Baile e Música Tradicional Rebulir. Neste explicaranse aos alumnos e familiares os horarios e actividades a desenvolver nos meses próximos. A principal novidade para este ano será creación dun futuro grupo de pandereteir@s que será constituído por nais, avoas, pais, avós, familiares... de alumnos da escola, o cal comezara a súa andadura polo mes de Decembro.

As disciplinas que se impartirán serán as seguintes:
Baile Tradicional (Mestres: Alexandre Sotelino Losada e Ángela González Amoeiro)
Canto e Pandeireta (Mestra: Mar Aragonés Montenegro)
Gaita (Mestre: Jesús Pérez Saburido)
Percusión Tradicional (Mestre: Marcos Pérez Saburido)
Obradoiros e actividades de etnografía (Mestres convidados)

O mesmo acto será tamén o foro onde se entregarán os premios correspondentes ao III Concurso de Fotografía Antiga, sendo a lista de premiados a seguinte:

PREMIO ESPECIAL A MELLOR FOTOGRAFÍA
D. Benito Feijoo Fernández (Alcume "Serranchíns") de Mosteiro (Ramirás)

PREMIO ESPECIAL A FOTOGRAFÍA MÁIS ANTIGA
D. Adrián e Dna. Ana Mª Rodríguez (Alcume "Os Trapalleiros") de A Arrifana (Ramirás)

PREMIOS A MELLOR COLECCIÓN
1º PREMIO. Dna. Purificación Feijoo Román (Alcume "Os Feijoo") de Mosteiro (Ramirás)
2º PREMIO. Dna. Concha Ferreira Vieiro ( Alcume "Nela" ) de Pambre (Ramirás)
3º PREMIO. Dna. Carmen Lorenzo Míguez (Alcume "As Canellas") de Vilanova de Penosiños (Ramirás)
ACCESIT. D. José Rodríguez Martínez (Alcume "O Rezitos") de A Arrifana (Ramirás)
ACCESIT. Dna. Susana Durán González (Alcume "Tacón" ) de Celanova

Nesta edición do concurso foron recollidas máis de dous centenares de fotografías que pasarán a formar parte do arquivo documental da asociación así como do Concello. Isto posibilita que se manteña a salvagarda a memoria histórica recente de Ramirás e a súa comarca.

Para máis información poden chamar ao 639 908 005 ou ben no enderezo electrónico rebulir@hotmail.com

Semana do 13 ao 19 de setembro do 2010

2010-09-15T09:54:00.004+02:00

- Sábado 18:

V Serán das Tarambainas (Lavadores - Vigo):

Un ano máis as Tarambainas estan traballando na organización do que será xa o V Serán das Tarambainas, será a partir das 21:30 h, se o tempo nos acompaña celebrarémolo no torreiro da festa de Santa Cristina de Lavadores (xusto detrás da igrexa) de tódolos xeitos se chovese teriamos sitio alternativo e ben indicado, así que haberá festa seguro!!!
Esperámosvos a todos con moitas ganas de troula... ¡¡¡NON FALTEDES!!!

Ademáis, estánse organizando xogos populares para nen@s no mesmo lugar a partir das 20:00 h, así que xa sabedes festa para tódalas idades!!!

Para chegar dende o Calvario basta con baixar por Martínez Garrido (a carretera que vai a estación de autobuses), e ó chegar o primeiro semáforo que se pode xirar a esquerda hai que meterse nesa dirección, unha vez alí esa rúa bifurcase en dúas, seguimos pola da esquerda ata atopar unha rotondiña onde xa se ve a igrexa.

IX Xornadas de Portas Abertas do Fiadeiro:

O Fiadeiro organiza as IX Xornadas de Postas Abertas os días 18 e 19 de setembro, son cursos gratuítos durante toda a fin de semán en horarios de mañá de 11:00 a 13:00 h e de tarde de 17:00 a 21:00 h.

I Festival de Charangas en Feiranova-Brantega (A Golada):

A partir dás 18:00 h celébrase o I Festival de Charangas en Feiranova-Brantega (Agolada) Coa participación de sete charangas.
Haberá pulpeira. Churros gratis con chocolate.
Esperámosvos!

Semana do 6 ao 12 de setembro do 2010

2010-09-08T13:25:00.006+02:00

Xa estamos de novo coas Novas, aínda que esta semana comezamos xa un pouco tarde...

-Volta de novo a escola:

Cántigas da Terra:

A Asociación Cultural Cántigas da Terra ten aberto o prazo de inscripción nas súas Escolas de Música tradicionais, onde imparten crases de gaita galega, tamboril, pandeireta, bombo, pandeiro, cunchas, zanfona, baile tradicional, canto tradicional e solfexo.
Para saber dos horarios, mestres, custo..., podedes chamar ao teléfono: 654 41 34 67, ou pasarte polo seu local social da Rúa San Juan, 9 - Baixo da Coruña.
Tamén podes entrar a formar parte deste histórico coro, se gostas de cantar e gostas da nosa música, nono dubides, achégate!!!

E-Trad:

A Escola Municipal de Música Folk e Tradicional, a E-Trad (Vigo), oferta 243 novas prazas para todas e todos os que desexen estudar algunha das 9 especialidades instrumentais, incluíndo o canto, no ámbito de música tradicional de Galicia.

Profesionais de recoñecido prestixio nas súas especialidades conforman a plantiña da primeira escola de música tradicional e folk de Galicia. A oferta educativa da escola para este ano presenta dúas modalidades diferentes: unha para afeccionados e público en xeral (219 prazas) e outra para preparación a estudos profesionais e superiores (24 prazas). O itinerario Básico correspondente á primeira modalidade será accesible a todos os que o desexen, mentres que o itinerario Profesional vai esixir a superación dunha proba de acceso. Neste curso 2010-11 a inscrición é gratuíta e pódese facer en liña na dirección web: www.e-trad.org . A idade mínima para admisión de alumnado é de 9 anos. O prazo permanecerá aberto ata o 10 de setembro.

Fogo Fauto:

A Asociación Sociocultural Fogo Fatuo de Rianxo comenza o curso 2010/2011.
Comezo das clases de pandeireta para nen@s o mércores 6 de outubro
Comezo das clases de baile tradicional para nen@s e perfeccionamento o venres 8 de outubro
Comezo das clases de gaita e percusión o sábado 9 de outubro
Comezo clases iniciación ao baile para adult@s o sábado 9 de outubro

O Fiadeiro:

A Asociación Cultural Folclórica O Fiadeiro que está na rúa Xesús Fernández Nº3 - Baixo de Vigo ten aberto o prazo de inscicións para as actividades do curso que e-mail: 2010/2011 que comeza en outubro.
Tedes toda a información dos cursos na web www.ofiadeiro.com ou nos teléfonos da asociación 629 58 53 55 e 986 25 35 85.

-Venres 10, de Foliada:

III Fervenza de músicas en Ouzande:

A Asociación Cultural A Fervenza de Ouzande presenta a terceira edición da Fervenza de Músicas, III Foliada de Música Tradicional para estas Festas do Socorro. A cita musical

será a partir das 21:00 h no Campo da Festa de Ouzande, A Estrada.

Os grupos convidados son:
A Requinta da Laxeira (Sarandón)Os Xeitosos de Trazo
Regato de Matamulleres (Callobre)Gharatuzas (Santiago)Retrouso (Ouzande)

O campo estará cuberto cunha carpa e haberá posto de polbo e Churrasco. Anímate e participa. Podes traer os teus instrumentos. A festa remata cando ti queiras.
Teñen fermosas camisolas á venda na Taberna de Ouzande e no Café A Farola da Estrada. Tamén estarán á venda na Foliada.

-Sábado 11, día de festas:

Festas de Monte Alto:

No Campo de Marte a AA.VV. Atocha, Monte Alto e Torre de Hércules organiza as Festas de Monte Alto coa seguinte programación:
11:00 h: Pasarrúas
12:00 h: Homenaxe ao poeta Manuel María coa colocación dunha praca na casa do poeta
18:00 h: Aberto de Billarda
18:30: Espectáculo Clown Peter Punk (cativas e cativos)
19:30 h:Os Revoltas (folk galego)
21:00 h: A Banda de Gurugú (Música anos 80)
23:00: Trapallada (Rock-Ska galego)

I Fiada Mariñeira:

Será a partir das 22:00 h nas tascas do Porto de Lira en Carnota.
Aos que vos gustan o mar, os mariñeiros e a nosa música, non podedes faltar!

V Festa da Randulfa:

Na Área Recreativa da Ponte Vilariño en Agolada celébrase a V Festa da Randulfa, onde a partir das 18:30 h actuarán os grupos:
Lume na Lareira
Herba Grileira
Raúl Galego
Pepe Temprano
Pau de Buxo
María da Pontracha (contacontos)
Bico da Balouta
Bico da Balouta (Toques)
Concertos na praza do Obradoiro:

Ás 20:30 h, Carlos Núñez, a Orquestra Sinfónica de Galicia e The Chieftains darán un concerto na Praza do Obradoiro. O concerto terá entrada libre ata completar aforamento e está enmarcado no Camiño da Música do XACOBEO 2010.
Será o primeiro concerto sinfónico que Carlos fará en Galicia, despois de ter tocado con orquestras de medio mundo, e será nada menos que coa ORQUESTA SINFÓNICA DE GALICIA, considerada unha das mellores de Europa.
Como non podía ser doutro xeito nun concerto único e irrepetible, Carlos contará cuns convidados especiais de luxo, os seus mestres irlandeses, THE CHIEFTAINS, que este ano cumplen 48 anos xuntos.

Clases de pandeiro:

Serán das 11:00 ás 14:00 h no Fórum Metropolitano da Coruña darase unha Clase maxistral de pandeiro a cargo do grande artista Xabier Díaz, adicada a todas as persoas interesadas en coñecer e perfeccionar os seus coñecementos sobre este instrumento de percusión tradicional, con carácter gratuíto até completar o aforo.

- Domingo 12, Nacionalismo:

Festa nacionalista do condado en Salceda de Caselas:

Será no Parque O Borralliño en Soutelo-Salceda de Caselas e contará coa seguinte programación:
12:00 h:
Apertura de postos e exposicións
Servizo de Bar.
Música ambiente
Partidiño de fútbol amigable: BNG-Salceda contra un combinado do BNG comarcal
13:00 h:
Música ao Vivo: Gaiteiros de Castro-Barreiro
13:30 h:
Intervencións políticas
o Marcos Besada (Alcalde de Salceda)
o Francisco Chivite (Responsable-portavoz comarcal)
o Guillerme Vazquez (Portavoz nacional)
14:00 h:
Música ao Vivo durante toda a xornada a cargo dos grupos:
o Gaiteiros de Castro-Barreiro
o Charanga Os Beira Miño
14:30 h:
Xantar Campestre
16:30h:
Xogos tradicionais.
Chave, Trompo, Billarda…
18:00 h:
Liga Nacional de Billarda: Exhibición participativa do xogo da Billarda.

Nota: O recinto onde se celebra a festa, dispón de parque infantil para os mais cativos.